关注80后的记忆与回忆

月光光
1)月光光，照地堂，虾崽你乖乖睡落床，
天朝阿妈要捕鱼虾罗，阿爷看牛要上山坡
阿崽你快高长大罗，帮手阿爷去看牛羊
月光光，照地堂，虾崽你乖乖睡落床，
听朝阿妈要捕鱼虾罗，阿嫲织网要织到天光
虾崽你快高长大罗，撐艇 撒网就更在行

2)月光光，照地堂，年卅晚，摘槟榔，
槟榔香，买子姜，子姜辣，买菩达，
菩达苦， 买猪肚，猪肚肥，买牛皮，
牛皮薄，买菱角，菱角尖，买马鞭，
马鞭长，起屋梁，屋梁高，买张刀，
刀切菜， 买锣盖，锣盖圆，买只船，
船沉底，浸死两个番鬼仔，一个浮头，
一个沉底，一个摸慈菇，一个摸马蹄。

雞公仔
1)鸡公仔，尾弯弯，做人呢点可以怕艰难，
清早起床返学去，执齐啲书本啊上学堂，
一分耕耘，自有一分收获，懒惰去做人，
又点会有所成啊……
鸡公仔，尾弯弯，做人呢当然要有精神，
清早起床好习惯，经常都温书啊要学勤，
一分耕耘，自有一分收获，懒惰去做人，
又点会有所成啊……

　　　2)鸡公仔，尾弯弯，做人新抱甚艰难。
早早起身都话晏，眼泪唔干入下间。
下间有个冬瓜仔，问过安人煮定 蒸。
安人话煮老爷又话蒸，蒸蒸煮煮唔钟意。
大喳嚹盐佢话淡，手甲挑盐又话咸。
三朝打烂三条夹木棍，四朝 跪烂四条裙，
咁好花裙畀你跪到烂，咁好石头畀你跪到崩。
横又难，直又难，不如舍命落阴间。
人话阴间条路 好，我话阴间条路好艰难。

　　　3)鸡公仔，尾婆娑，三岁嘅孩童啊学唱歌，
阿哥佢听教，阿妈就开心晒咯，
阿哥佢唔听话，阿妈就唔安 乐，哦……

氹氹轉
氹氹轉，菊花圆，炒米饼，糯米团。
阿妈叫我睇龙船，我唔睇，睇鸡仔，
鸡仔大， 摞去卖。卖得几多钱？
卖得三百六十五个仙，得来买膏又买盐。

點蟲蟲
点虫虫，虫虫飞，飞到荔枝基，
荔枝熟，摘满屋，屋满红，陪住个细蚊公。　　
点 虫虫，虫虫飞，飞到荔枝基，
荔枝熟，摘一仆，荔枝生，摘一蓝。

落雨大
落雨大，水浸街。
阿哥担柴上街卖，阿嫂出街着花鞋。
花鞋花袜花腰带，珍珠蝴蝶 两边排。

　　
有隻蚊
打开蚊帐，打开蚊帐，有只蚊，有只蚊，
快啲攞把扇来，快啲攞把扇来，撲走佢，撲走佢。

齐齐望 
齐齐望过去，清溪里，有只青蛙想跳水；
齐齐望过去，小屋里，有只猪仔真风趣。
有只了哥，吱吱、喳喳、想驳咀。
齐齐望过去，山窿里，有只狮子竟饮醉。

蘿蔔頭
萝卜头，点豉油，点得多，咸过头，
点得少，淡茂茂。佢以为，好正斗，
点不 知，俾人踢啰柚，一踢踢到西门口。

　　
排排坐
排排坐，吃粉果，猫伊担凳比姑婆坐，
坐烂个屎忽唔冇赖我，赖番隔离个二叔婆。

收買佬
收买烂铜烂铁收买旧报纸！收买烂铜烂铁收买旧报纸！
旧报纸呀堆满屋，旧煲仔呀摆满厅，旧衫裤 呀塞满房，
问阿妈呀点算好，旧嘢好，新嘢好，旧同新都可变宝，
卖咗佢哋可变钱，若要钱呀就搵收卖佬！
收 卖佬天天上路，唔理风吹兼雨打，一买一收一世乐，
旧嘢好呀新嘢好，卖咗旧报买噹噹糖卖咗旧仔买甘草。
收买佬天天上路，旧 嘢好佢都当宝。

猜呈沉
呈沉剪，呈沉包，呈沉糯米叉烧包。
老鼠吾食香口胶，要食——豆沙包。

點兵賊
点指兵兵，点着谁人做大兵，
点指贼贼，点着谁人做大贼。

跳橡筋
董存瑞，十八岁，为国牺牲炸堡垒，
炸到堡垒咯咯脆，全国人民流眼泪。

哨牙仔
四眼哨牙突下巴，哨牙可以刨西瓜，
落雨可以遮下巴，饮茶可以隔茶渣，
劈友可以 挡番下。

阿公仔
阿公仔，须扒扒，你饮酒，我饮茶。
茶苦唔冇食，酒醉唔好饮，快去玩泥沙。

落雨微
落雨微微，水浸田基，田基有条蛇，吓亲大老爷，
大老爷有支枪，吓亲大姑娘，大姑娘有粒糖，吓亲 国民党。

打敵人
纸皮纸皮打纸皮，上上、下下、左左、右右、前前、后后，
咕碌咕碌一，咕碌咕碌二，咕碌咕碌三， 准备开炮打敌人！

暧姑乖
暧姑乖，嫁后街，后街有鲜鱼和鲜肉卖，
又有鲜花戴，戴吾晒，摆落床头卑鼠拉，
拉拉拉，拉去大新街，大新街有扯皮鞋，扯下开又扯下埋。

撞跛腳
趿跛跛，跳跳脚，上跳下跳似麻雀。
趿跛跛，跛佐蹄，无米煮，煮泥沙，
无屋住， 住楼梯，楼梯有只鬼，吓到你钻落床下底。

拍大骳
拍大骳，唱山歌，人人话我无老婆，
嘀起心肝娶返个，有钱娶个娇娇女，无钱娶个豆皮婆。

折竹仔
一只竹仔易折弯，几只竹仔欲折难，孤掌莫欺倚，
团结方可有力量，大众合作不分散，千钧一发亦当 闲，
群策群力无猜忌，每一期都好顺利，好顺利。

大西瓜
大西瓜，多好啊，个个都想食，
大家分，切开它，味道顶呱呱，
唔小心、吞咗啦， 圆圆几粒啊，
哎呀呀，问妈妈，点算啊！
头顶长西瓜，妈妈笑住话，
从春天、到冬天，时时长西瓜。

肥腾腾
1)肥腾腾，脚震震，行到半路屎忽痕，
买旧猪肉去拜神，去到神庙四围藤，
返到屋 企口痕痕，食完猪肉变瘟神。　　
2)死肥佬，肥腾腾，买旧猪肉去拜神，
行到半路屎忽痕，返到屋企冇晒人，
打开痰盥有敌人，肥佬只好做难民。

　　　3)一二三四五六七，肥婆跳舞跳第一。
醜醜醜 ，醜甩個耳仔送燒酒。
豬頭丙 ，扮老醒,其實唔值個豆零。
肥騰騰 ，買舊豬肉去拜神。
以為佢好醒 ，原來系個豬頭丙；
以為佢好 Fit，原來系個大水瀄。

賣　懶
卖懒卖懒，卖到年卅晚，人懒我唔懒。
过咗年，就大个仔啰，唔好再学懒咯。
静 静话你知，努力读书点会迟，
发奋图强怀大志，八十都未迟。

斬　料
斩料，斩料，斩嚿大叉烧。
油鸡、卤味，样样都要，斩嚿大叉烧！

鬥　遠
斗远掟石头，因住咪甩手，石头最无眼，掟亲吾好眼泪流。

蜻蜓歌
黐塘尾，塘尾飞，飞到菜田基，田基有条蛇，吓亲你哋两仔爷。

過天梯
过天梯，虾矮仔，人在云东过到西，唔怕米贵就怕最矮。 　
做大戲
黑面李逵，红面关公，三国水浒 乱晒龙，打败清兵系英雄。

賴尿蝦
赖尿虾，炒冬瓜，炒吾熟，赖阿妈。

人之初
人之初，狗虱多，狗虱唔咬我，专咬先生两公婆。　　

伏哩哩
一就预备，二就垒埋，三就开盘，四就嚟到，彭到算数。 　　
估手指
估手指，要估中，边个吾中， 就吾中用，裤浪底，见个窿。 　　

騎牛牛
骑牛牛，牛牛走，牛牛响前咪回头，若然回头就打啰柚。　　
碌銅仙
碌铜仙，打铜钱，全凭眼界手 出变，叮响铜钱俾个仙。 　　

打泥炮
打泥炮，泥炮响，吾使揸枪上战场。 　　
飛麻鷹
折纸机，麻鹰飞，飞来飞去吾落地，麻鹰有条尾。 　　
頂手掌
伸长手，顶手掌，死人都要顶硬上，依牙崩哨猫甘样。 　
劈友歌
劈友劈友，快嘀走，走得快， 好世界，走得磨，无鼻哥。 　　
撈魚仔
花手巾，真引人，基边捞鱼好过瘾，一兜一条好手运，千其吾好牟到头晕。 　　
咬蔗 須
咬蔗须，要睇毛，短毛输，长毛赢，无毛吾算数。 　　
畫烏龜
乞儿仔，画乌龟，一人一笔咪乱嚟，最后果个人衰 仔！　　
煮飯仔
煮饭仔仔先落米，风炉透火柴对齐，千其唔好咁拿西，我哋系细蚊仔。 　　
打馬仔
一人骑角 马，两人骑猪乸，三步要埋头，撞到面就打。 　　
鬥辣椒
红辣椒，绿辣椒，平时你镲嘴藐藐，今日你无胆同我撩。 　　
味水 底
味水底，摸泥沙，摸到泥沙当金龟，摸吾到系契弟。 　　

鑽台底
陈德贵，住得矮，床下底，有只鬼，吓到佢，钻台底。 　　
雪滑梯
细蚊仔，雪滑梯，因住跌落嚟， 咪学陈德贵，成日流鼻涕，跌亲个箩柚唔好睇。 　　　　
彈象棋
打棋子，靠眼屎，全凭眼界靠本事，唔好睇错认够屎。

放臭屁
鬼叫你咁贪心，闻咗我个屁，索入咗个鼻，我要你赔返二两四。

掟磚頭
掟砖头，斗大够，一掟掟到西门口，溅起浪花抛浪头。 

扯大纜
一二三，三二一，肥婆跳舞顶第一！

大食懶
大食懒，起身晏，洗冷水，食冷饭。

何家公雞何家猜 
真怪诞呀又有趣，阿望望公园里，
有四百只公鸡咯咯咯，是何家都不知道。
何家公鸡何家猜，何家小鸡何家猜，
何家公鸡何家猜，何家母鸡咯咯咯。
猴子哥哥熊先生，松鼠妹妹牛叔叔，
黄狗爸爸羊妈妈，来猜来猜哟！